Xicu, el chigreru de la casa, participa na campaña nueva del Conseyu Regulador de la Denominación d’Orixe Protexida “Sidra d’Asturies”. Nella, bien de chigreros del país apaecen nunos cartelos col títulu de Chigreros auténticos.
Ente otres campañes y llabores d’espardimientu de la marca, el Conseyu Regulador va poner publicidá de Sidra d’Asturies en 30 camiones que percorrerán tol estáu y bona parte d’Europa. Venticinco d’estos camiones van promocionar la sidra natural tradicional y otros cinco van facelo coles tres variedaes de la sidra natural con denominación d’orixe: tradicional, filtrada y espumosa.